Bab Mahkemesi 54 Numaralı Sicil (H. 1102 / M. 1691) cilt: 20, sayfa: 392 Hüküm no: 481 Orijinal metin no: [84a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Ali’nin alacaklı olduğu Rahime bt. Hüseyin ile sulh olması Mahmiye-i İstanbul’da Eğrikapı hâricinde ( ) mahallesi sükkânından Mehmed b. Ali meclis-i şer‘-i şerîf-i enverde, Rahime bt. Hüseyin nâm hâtun mahzarında ikrâr ve takrîr-i kelâm edip, mezbûre Rahime’den beynimizde ilm-i şer‘î ile ma‘lûm menzil semeninden zimmetinde bin beş yüz akçe hakkım vardır deyu taleb ve da‘vâ edip, ol dahi inkâr etmekle ba‘de’n-nizâ‘, beynimizde muslihûn tavassut edip da‘vâ-yı mezkûremden beni mezbûre ile bin iki yüz akçe üzerine sulh eylediklerinde, ben dahi sulh-ı mezbûru kabûl ve bedel-i sulh olan meblağ-ı mezbûrun bin iki yüz akçeyi mezbûre Rahime bana def‘ ü teslîm, ben dahi yedinden bi’t-tamâm ve’l-kemâl ahz u istîfâ eyledim. Ba‘de’l-yevm husûs-ı mezkûra müte‘allika âmme-i da‘vâdan mezbûre Rahime’nin zimmetini ibrâ-i âmla ibrâ ve iskāt eyledim dedikde, gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’r-râbi‘ ve’l-ışrîn min Cumâdelâhire li sene isneteyn ve mi’e ve elf. Şuhûdü’l-hâl: Mustafa Beşe b. Şaban, Siyavuş b. Abdullah, Mehmed Beşe [b.] Muharrem, Ahmed Çelebi b. Ahmed, İbrahim Çelebi b. Mehmed.