Bab Mahkemesi 54 Numaralı Sicil (H. 1102 / M. 1691) cilt: 20, sayfa: 405 Hüküm no: 498 Orijinal metin no: [87a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı İbrahim b. Abdullah’ın Yusuf Ağa b. Abdurrahman’a olan borcunu ödemeye söz vermesi Mahmiye-i İstanbul’da ( ) mahallesinde sâkin el-Hâc İbrahim b. Abdullah nâm kimesne meclis-i şer‘-i şerîfde, bâ‘isü hâze’l-kitâb Yusuf Ağa b. Abdurrahman mahzarında ikrâr ve takrîr-i kelâm edip, bundan akdem merkūm Yusuf Ağa’dan üç bin yedi yüz elli guruş istidâne ve kabz edip, hâlâ zimmetimde vâcibü’l-edâ deynim olup, lâkin meblağ-ı mezbûru hâlâ edâya kudretim olmamağla târih-i kitâbdan bir sene tamâmına değin ber vech-i muharrer deynim olan meblağ-ı mezbûr üç bin yedi yüz elli guruşu merkūm Yusuf Ağa’ya bi’t-tamâm edâ ve teslîme ta‘ahhüd ve iltizâm eyledim dedikde, hıfzan li’l-makāl ba‘de’t-tasdîki’l-mer‘î, mâ vaka‘a bi’t-taleb ketb olundu. Fi’l-yevmi’s-sânî min Recebi’l-mürecceb li sene isneteyn ve mi’e ve elf. Şuhûdü’l-hâl: Bayram b. Mahmud, Ahmed Efendi b. Derviş, Mehmed Ağa b. Ahmed, Ahmed Efendi b. Mustafa, Mustafa Efendi b. ( ), Beyzâde Mehmed Beşe el-mübâşir, Abdullah ağa b. Mehmed.