Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 74 Hüküm no: 1 Orijinal metin no: [1b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalkandelen kazasından Osman Bey b. Mustafa, Mustafa Bey b. İbrahim ve Ali Bey b. Mustafa’nın Hüseyin Beşe b. Mustafa’ya borçlu olduklarının tescili Vilâyet-i Rumeli’nde vâki‘ Kalkandelen kasabası sükkânından Osman Bey [b.] Mustafa ve Mustafa Bey b. İbrahim ve Ali Bey b. Mustafa nâm kimesneler meclis-i şer‘-i şerîf-i enverde işbu râfi‘u’l-kitâb Hüseyin Beşe b. Mustafa nâm kimesne mahzarında her biri ikrâr ve takrîr-i kelâm edip mezbûr Hüseyin Beşe kendi mâlından olmak üzere bize üç yüz otuz beş guruş ikrâz ve teslîm biz dahi yedinden istikrâz ve tesellüm ve mesârifimize sarfla istihlâk eyledik ve her birimiz âharın zimmetine lâzım gelen meblağa kefîl dahi olmağla hâlâ meblağ-ı mezbûr asâleten ve kefâleten lâzımü’l-kazâ deynimizdir dediklerinde gıbbe’t-tasdîkı’ş-şer‘î ve’t-tahkīki’l-vicâhî mâ-vaka‘a bi’t-taleb ketb olundu. Fî 29 min-şehri Rebî‘ülevvel sene 1121 Şuhûdü’l-hâl: Salih Efendi b. Süleyman, Ali Bey b. İskender, Osman Sipâhî b. Mustafa, Mehmed Çavuş b. Hasan, Hüseyin Sipâhî b. Abdullah, Mehmed b. Abdullah, Bektaş b. Abdullah, Ali Sipâhî b. Sefer, Mustafa Za‘îm b. İbrahim, Molla Hasan b. Salih ve gayruhum mine’l-huzzâr.