Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 84 Hüküm no: 15 Orijinal metin no: [3b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefât eden Derviş Ahmed Efendi b. Derviş’in Matrakçı Vakfı’ndan mutasarrıf olduğu arsanın oğlu Derviş Mehmed Efendi’ye tevcih edildiği Merhûm Matrakçı nâm sâhibü’l-hayrın süknâsını ulemâdan bir recül-i sâlihe meşrûta vakfı olup mahmiye-i İstanbul’da Dizdâriye Mahallesi’nde vâki‘ bir tarafdan baʻzan mahalle-i mezbûre imâmına meşrûta vakıf menzil ve baʻzan Sefer Bey mülkü ve bir tarafdan mahalle-i mezbûre câmi‘-i şerîfi haremi ve bir tarafdan tarîk-i âm ile mahdûd arsaya tevcîh-i hâkimü’ş-şer‘le mutasarrıf olan Derviş Ahmed Efendi b. Derviş Mehmed vefât etmekle hâkim-i muvakki‘-ı sadr-ı kitâb tûbâ-lehû ve hüsnü meâb hazretleri arsa-yı mezbûreyi müteveffâ-i mezbûrun sulbî oğlu işbu bâ‘isü’l-kitâb Derviş Mehmed Efendi’ye tevcîh buyurmağın tasarrufîçün işbu vesîka kıbel-i şer‘den bi’t-taleb ketb ü imlâ ve mezbûr Derviş Mehmed Efendi yedine def‘ ve i‘tâ olundu. Fî 5 min-şehri Rebîʻülâhir sene 1121 Şuhûdü’l-hâl: Fahrü’l-küttâb İbrahim Efendi b. Mustafa, el-Hâc Hüseyin b. Abdullah, el-Hâc Mehmed b. Hüseyin, Mustafa Çelebi b. Şa‘ban, Hasan Çelebi b. Mustafa, Abdullah Çelebi b. Mustafa Hasan b. Abdullah ve gayruhum mine’l-huzzâr.