Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 94 Hüküm no: 29 Orijinal metin no: [5b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üskübî Camii’nde müezzin olanlara vakfedilen eve Seyyid Mehmed Tahir Efendi b. Mehmed Efendi’nin mütevellî tayini Mahmiye-i İstanbul’da Üskübî Mahallesi’nde vâki‘ Üskübî Câmi‘-i şerîfi’nde müezzin olanlara meşrûta menâzile kıbel-i şer‘den bir mütevellî nasbı lâzım ve mühim olduğu zeyl-i vesîkada muharrerü’l-esâmî Müslimîn ihbârlarıyla müte‘ayyin ve mütehakkık olmağın kıbel-i şer‘-i enverden işbu râfi‘u’l-kitâb es-Seyyid Mehmed Tahir Efendi b. Mehmed Efendi her vechile dindâr ve tevliyet-i mezbûre uhdesinden gelmeğe kādir olmağla menâzil-i mezbûre üzerine merkūm es-Seyyid Mehmed Tahir Efendi’yi hâkim-i sadr-ı kitâb tûbâ-lehû ve hüsnü-meâb hazretleri hasbî mütevellî nasb u ta‘yîn buyurduklarında ol dahi tevliyet-i mezbûreyi kabûl ve merâsimini edâya ta‘ahhüd ve iltizâm etmeğin işbu vesîka bi’t-taleb ketb olundu. Fî 9 min-şehri Rebîʻülâhir sene 1121 Şuhûdü’l-hâl: Hasan Çelebi b. Mustafa, Ali Çelebi b. İvaz, Abdullah Çelebi b. Abdullah, Abdullah Çelebi b. Mustafa, el-Hâc Ahmed Kethüdâ-yı barutçuyân, el-Hâc Hasan b. ( ), Siyavuş b. Abdullah Ahmed b. ( ) ve gayruhum mine’l-huzzâr.