Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 99 Hüküm no: 36 Orijinal metin no: [6b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Uncu Fazlı Ağa b. Mustafa’nın alacaklısı olduğu Marko v. Marat’tan parasını aldığı Uncu tâifesinden Fazlı Ağa b. Mustafa nâm kimesne meclis-i şer‘-i şerîf-i enverde işbu râfi‘u’s-sifr Marko v. Marat nâm zimmî muvâcehesinde ikrâr ve takrîr-i kelâm edip mezbûr Marko zimmetinde işbu yedimde olan hüccet-i şer‘iyye nâtıka olduğu üzere kırk iki bin elli yedi akçe hakkım olup mezbûr Marko meblağ-ı mezbûrun on altı bin dört yüz kırk akçesini bundan akdem bana def‘ ü teslîm ben dahi yedinden baʻde’l-kabz bâkī yirmi beş bin altı yüz on yedi akçesini dahi hâlâ bana def‘ ü teslîm edip meblağ-ı mecmû‘-ı mezbûr kırk iki bin elli yedi akçeyi tamamen ahz ve istîfâ eyledim meblağ-ı mezbûrdan merkūm Marko zimmetinde bir akçe ve bir habbe hakkım kalmadı dedikde gıbbe’t-tasdîkı’l-mer‘î mâ-hüve’l-vâki‘ bi’t-taleb ketb olundu. Fî 9 min-şehri Rebîʻülâhir sene 1121 Şuhûdü’l-hâl: Es-sâbikūn, es-sâbikūn, es-sâbikūn.