Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 100 Hüküm no: 38 Orijinal metin no: [6b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aynî Hatun’un ulemâya vakfettiği eve Molla Mehmed b. Mehmed’in mütevellî tayin edildiği Merhûme Aynî Hatun’un süknâsı ulemâya meşrûta vakfı olup mahmiye-i İstanbul’da Keçeci Pîrî Mahallesi’nde vâki‘ bir tarafdan Canbaz Emir veresesi mülkleri ve bir tarafdan baʻzan kuzâtdan ( ) Efendi menzili ve baʻzan vakıf odalar ve bir tarafdan baʻzan Harcî Odabaşı veresesi mülkleri ve baʻzan Birinci İbrahim Çelebi mülkü ve baʻzan Muammer Hatun tasarrufunda olup avârız vakfı olan menzil ve baʻzan tarîk-i hâs ile mahdûd menzile kıbel-i şer‘den bir mütevellî nasb olunmak lâzım gelip işbu râfi‘u’l-kitâb Monla Mehmed b. Mehmed nâm kimesne her vechile ehil ve tevliyet uhdesinden gelmeğe kādir olmağın mezbûr Monla Mehmed menzil-i mevkūf-ı mezbûra kıbel-i şer‘den hasbî mütevellî nasb olundukda ol dahi tevliyet-i mezbûreyi kabûl ve merâsimini edâya ta‘ahhüd eylemeğin mâ-vaka‘a bi’t-taleb ketb olundu. Fî 8 min-şehri Rebîʻülâhir sene 1121 Şuhûdü’l-hâl: Es-sâbikūn, es-sâbikūn, es-sâbikūn.