Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 127 Hüküm no: 78 Orijinal metin no: [11a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun bt. Abdullah b. Abdülmennan’ın vasiyetini icrâ etmek üzere Mehmed Çelebi b. Habib’i vasi tayin ettiği Mahmiye-i İstanbul’da Hoca Kasım Gönânî Mahallesi’nde sâkine Âişe Hatun bt. Abdullah b. Abdülmennan tarafından husûs-ı âti’z-zikri ikrâra vekîl olduğu zât-ı mezbûreyi ma‘rifet-i şer‘iyye ile ârifân Ali Çelebi b. Mehmed ve diğer Ali b. Şahin şehâdetleriyle şer‘an sâbit olan Mustafa Çelebi b. Mehmed meclis-i şer‘-i şerîf-i enverde işbu bâ‘isü’l-kitâb Mehmed Çelebi b. Habib mahzarında bi’l-vekâle ikrâr ve takrîr-i kelâm edip müvekkilem mezbûre Âişe Hatun bi-emri’llâhi te‘âlâ fevt olduğumda mecmû‘-ı terekemi mezbûr Mehmed Çelebi ahz u kabz edip vech-i mesnûne üzere levâzım-ı techîz ve tekfînim görülüp mâ‘adâ terekem mezbûr Mehmed Çelebi re’yiyle vücûh-ı hayra sarf oluna deyü vasiyet edip tenfîzine mezbûr Mehmed Çelebi’yi vasiyy-i muhtâr nasb u ta‘yîn eylediğinde ol dahi vesâyet-i mezbûreyi kabûl ve merâsimini edâya ta‘ahhüd eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 14 min-şehri Rebîʻülâhir sene 1121 Şuhûdü’l-hâl: Ali Efendi b. Mustafa, İbrahim b. Mustafa, Mehmed Efendi b. Mustafa, Derviş İbrahim b. Mustafa, Mehmed Çelebi b. Ali, diğer Mehmed Çelebi b. Ali Koltukçu, Mustafa Çelebi b. Şa‘ban ve gayruhum mine’l-huzzâr.