Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 220 Hüküm no: 324 Orijinal metin no: [57b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâhibe bt. Arab’ın Hesna bt. Ali Fakih’le olan miras meselesinde ibralaştıkları. Sebeb-i tahrîr-i kitâ[b] budur ki Sâhibe bt. Arab meclis-i şer‘a sallallâhu alâ şâri‘ihî Hesna bt. Ali Fakih’i ihzâre edip dedi kim sen hîn-i kısmetde şimden geri bu Sâhibe’de babamın esbâbından ve akçesinden sende her nesi varsa da‘vâm ve nizâ‘ım yoktur deyu ibrâlaşdık dedikde mezkûre Hesna inkâr ettikde mezbûre Sâhibe’den alâ sıdkı da‘vâhâ beyyine taleb olundu Ali b. Abdullah şehâdet edip dedi kim hîn-i kısmetde dahi nesne var mı da‘vânız nizâ‘ınız var mı denildikde yokdur denildi deyudur ve Mahmud b. İshak’ın şehâdeti hîn-i kısmetde dahi nesne var mı denildi ayrık nesnemiz yoktur dediler deyudur öyle olsa mezkûre Hesna’nın talebiyle deftere sebt olundu. Tahrîren fî evâsıtı Muharrem sene 922. Şuhûdü’l-mazmûn İsa Fakih b. Mahmud ve Mevlânâ Şaban b. Ramazan ve Ramazan b. Ahmed ve gayruhum mine’l-hâzırîn