Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 220 Hüküm no: 325 Orijinal metin no: [58a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil Reis b. Yakub’un Davud Paşa vakfına 2300 akçe borcu olduğuna dair ikrarı. Sebeb-i tahrîr-i kitâb budur ki Nefs-i Üsküdar’da mutavattın olan Halil Reis b. Yakub meclis-i şer‘de ikrâr-ı sahîh ile ikrâr edip dedi kim merhûm Davud Paşa’nın vakıf akçesinden karz-ı hasenden zimmetimde iki bin akçe ile ve aselî? çuha kaftan bahâsından on iki ayda edâ etmek üzere üç yüz akçe deynim var ibtidâ-i târihden ayda bir mu‘âmelesin vermek üzere dedikde mukırr-ı mezkûrun ikrârını mütevellî Mustafa b. Halil tasdîk ettikden sonra meblağ-ı mezkûr iki bin üç yüz akçeye Mustafa b. İlyas kefîl oldukda deftere sebt olundu. Tahrîren fî gurre-i Muharremi’l-harâm sene isnâ ve işrîn ve tis‘a mi’e. Şuhûdü’l-mazmûn İbrahim b. Yusuf el-hatîb ve İsmail bin Hoşkadem ve Hacı Hızır b. Yahşi ve Hamza b. Abdullah ve Kadı Osman b. Zekeriya