Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 237 Hüküm no: 370 Orijinal metin no: [64b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Boşnak asıllı kaçak kölenin müddet-i örfiyyesi tamam olup satıldığı. Sebeb-i tahrîr-i kitâb budur ki Mustafa Çelebi nâm sipâhi bir orta boylu açık kaşlı koyun gözlü kösece buğday enli? başına şeb külâh ve eğnine gök kaftan giyer Bosneviyyü’l-asl abd-i âbıkı sene isnâ ve işrîn ve tis‘a mi’e Cemâziyelâhiri’nin dördüncü gününde tutup yevm[î] nafakası ve hıfzı için ikişer akçe takdîr olundukda Üsküdar’ı mukāta‘aya tutan âmil Mehmed b. Bekir’e teslîm olunup deftere sebt olundu. Tahrîren fî evâili Cemâziyelâhir sene 922. Mezkûr-ı mevsûf abd-i âbıkın müddet-i örfiyyesi tamâm olup mirâren mezâd olundukda bahâsı sekiz yüz akçede takarrür buldukdan sonra âmil Mehmed ile emîn Aydın Bey Mumcu Hacı b. Abdullah meblağ-ı mezkûr sekiz yüze satdık akçesin aldık dediklerinde deftere ikrârları sebt olundu. Tahrîren fî 7 Ramazani’l-mübârek sene 922.