Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 238 Hüküm no: 372 Orijinal metin no: [65a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Firuz Ağa peremesinin iki yıllığına yedi bin akçeye kiraya verildiği. Sebeb-i tahrîr-i kitâb budur ki Firuz Ağa peremesine mütevellî nasb olunan Mehmed b. Lütfi meclis-i şer‘de ikrâr-ı sahîh ile ikrâr edip dedi kim mezkûr peremeyi sene isnâ ve işrîn ve tis‘a mi’e Saferi’nin on beşinci gününden yirmi dört aya işbu Başcı Yusuf b. Abdullah’a ve İbrahim b. Abdullah’a ve Mehmed b. İsmail’e yedi bin akçeye herbirisi birbirine kefîl bi’l-mâl olduklarından icâreye verdim olagelmiş üzere mutasarrıf olalar dedikde mukırr-ı mezkûru mukarrun-lehume’l-mezbûrun ikrârında vicâhen tasdîk ettiklerinden sonra talebleri ile deftere sebt olundu. Tahrîren fî evâsıtı Saferi’l-muzaffer sene 922. Şuhûdü’l-mazmûn Ramazan b. Ahmed ve Öksüz Nebi b. Abdullah ve Pîrî b. Hacı Hızır