Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 242 Hüküm no: 382 Orijinal metin no: [66b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Boşnak asıllı kaçak kölenin müddet-i örfiyyesi tamam olup satıldığı. Sebeb-i tahrîr-i kitâb budur ki Meclis-i şer‘de bir orta boylu açık kaşlı koyun gözlü sarışın başına külâh ve eğnine bir yanı kır ve bir yanı ak aba giyer Bosnevî kimesne abd-i âbık idiğini ikrâr ettikde yevm[î] nafakası ve hıfzı için ikişer akçe takdîr olunup Üsküdar âmil[i] Mehmed b. Bekir’e teslîm olundukdan sonra deftere sebt olundu. Tahrîren fî 9 Recebi’l-mürecceb sene isnâ işrîn ve tis‘a mi’e. Mezkûr-ı mevsûf abd-i âbıkın müddet-i örfiyyesi tamâm olup mirâren mezâd olunup sekiz yüz seksen akçeye satıldıkda bi-gayrı [e]z-harc altı yüz yirmi iki akçe kalıp emîn Aydın Bey b. İsa zabt ettikde deftere sebt olundu. Tahrîren fî evâsıtı Şevval sene 922.