Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 242 Hüküm no: 383 Orijinal metin no: [66b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Hırvat asıllı kaçak kölenin sahibine teslim edildiği. Sebeb-i tahrîr-i kitâb budur ki Meclis-i şer‘de bir orta boylu açık gök gözlü kel başlı sol kulağı üstünde yara yeri var sarışın başına külâh ve eğnine mor kaftan giyer Hırvadiyyü’l-asl kimesne sene isnâ ve işrîn ve tis‘a mi’e Recebü’l-müreccebi’nin dokuzuncu gününde abd-i âbık idiğini ikrâr ettikde yevmî nafakası ve hıfzı için ikişer akçe takdîr olunup Üsküdar âmil[i] Mehmed b. Bekir’e teslîm olundukdan sonra deftere sebt olundu. Tahrîren fî 9 Receb sene 922. Mezkûr-ı mevsûf abd-i âbıkın sâhibi Bursa’da Hacı Ahmed imiş teslîm olundukda deftere sebt olundu. Tahrîren fî evâili Şa‘ban sene 922.