Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 255 Hüküm no: 418 Orijinal metin no: [70b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Kadı b. Zekeriya’nın Mustafa b. Yahya’da dükkan eşyasından 526 akçe alacağına dair. Sebeb-i tahrîr-i kitâb budur ki Osman Kadı b. Zekeriya meclis-i şer‘a Mustafa b. Yahya’yı ihzâr ettikde dedi kim sende benim dükkân esbâbı bahâsından beş yüz yirmi altı akçe hakkım var deyicek mezkûr Mustafa inkâr edip ben senden dükkân esbâbı satın almadım dedikde mezbûr müdde‘î Osman’dan iddi‘âsı üzere beyyine taleb olundukdan sonra Mehmed b. Hüseyin ve Abdi Reis b. Yahya şehâdet edip dediler kim biz şâhidleriz şehâdet ederiz kim işbu Mustafa b. Yahya bu Osman sefere gider oldukda beş yüz yirmi akçede ittifakları olup beş yüz yirmi akçe dükkân esbâbı bahâsından deynim var dedin deyu şehâdet-i sahîha-i şer‘iyye eylediler ba‘de’t-tezkiyeti’ş-şer‘iyye ve’t-tahlîfi’l-âdî şehâdetleri kabûl oldukda mestûr Osman’ın mesfûr Mustafa’da beş yüz yirmi akçesi dükkân esbâb[ından] deyni idiği sâbit olıcak edâsına hükm olundu. Tahrîren fî 25 Saferi’l-muzaffer sene 923. Şuhûdü’l-mazmûn İbrahim Fakih b. Yusuf el-Hatib ve Hasan b. Musa ve Şah Bâli b. Ali Fakih ve gayruhum mine’l-hâzırîn