Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 301 Hüküm no: 492 Orijinal metin no: [82b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Rus asıllı kaçak kölenin hapsolunduğu yerden kaçtığı. Sebeb-i tahrîr-i kitâb budur ki Yusuf nâm kimesne İstavros’da bir kısa boylu açık kaşlı ela gözlü kumral şekil başına külâh ile makreme ve eğnine âsumânî yelek ile aba giyer Rûsiyyü’l-asl müslimü’l-mille Mahmud nâm abd-i âbıkı sene selâse ve işrîn ve tis‘a mi’e Şa‘banü’l-mu‘azzamının beşinci gününde tutup yevmî nafakası ve hıfzı için ikişer akçe takdîr olunup İstavros câbîsi Ali b. Abdullah’a teslîm olundukda deftere sebt olundu. Tahrîren fî evâili Şa‘bani’l-mu‘azzam sene 923. Mezkûr abd-i âbık mahbeshânesi bilekcini bozdukdan sonra delip bukağısıyla ibâkat ettikde mâ-hüve’l-vâki sebt-i defter olundu. Tahrîren fî evâili Şevvali’l-mu‘azzam sene 923.