Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 301 Hüküm no: 493 Orijinal metin no: [82b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’da yakalanan Boşnak asıllı kaçak kölenin müddet-i örfiyyesi tamam olup satıldığı. Sebeb-i tahrîr-i kitâb budur ki Ali Hacı nâm kimesne bir orta boylu açık kaşlı gök gözlü sarışın başına kızıl yelken takke ve eğnine âsumânî fistan giyer Bosneviyyü’l-asl abd-i âbıkı sene selâse ve işrîn ve tis‘a mi’e Şa‘banı’nın üçüncü gününde tutup yevmî nafakası ve hıfzı için ikişer akçe takdîr olunup Üsküdar’ı mukāta‘aya tutan âmil Resul b. Mustafa’ya teslîm olundukda deftere sebt olundu. Tahrîren fî evâili Şa‘bani’l-mu‘azzam sene 923. Mezkûr-ı mevsûf abd-i âbıkın müddet-i örfiyyesi tamâm oldukda esvâk-ı sultâniyede mirâren mezâd olundukda satıldı fî evâsıtı Zilka‘de sene 923.