Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 329 Hüküm no: 571 Orijinal metin no: [92a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Yorgi’nin kasap Mustafa b. İvaz’a emanet verdiği 300 akçenin Deveci Mihal b. Dimitri tarafından tosun bedeli olarak alındığı. Sebeb-i tahrîr-i kitâb budur ki Deveci Mihal b. Dimitri meclis-i şer‘de ikrâr-ı sahîh ile ikrâr edip dedi kim işbu Nikola b. Yorgi’nin Kassâb Mustafa b. İvaz’da emânet koduğu üç yüz akçeyi Kassâb Mustafa’dan beş yüz elli akçeye aldığım tosun bahâsına tutuşdurdum min-ba‘d mezbûr akçenin iki yüzünü iki kile buğday ile mezkûr Nikola’ya verdim deyip yüz akçeyi inkâr ettikde sâbıkā ikrârı ile yüz akçeye hükm olundukdan sonra mâ-hüve’l-vâki deftere sebt olundu. Tahrîren fî evâsıtı Receb sene 924. Şehide bimâ fîhi Pîr Mehmed b. Mevlânâ Sinan ve Nikola b. Petre ve Demirhan b. İsmail