Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 343 Hüküm no: 613 Orijinal metin no: [96a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şehrîdullah b. Hacı’nın tarlasından buğdayını çalan Süleyman b. Abdullah hakkında açtığı hırsızlık davası. Tafsîl Vech-i tezkire oldur ki karye-i Bulgurlu’dan Şehrîdullah b. Hacı meclis-i şer‘a hâzır gelip bile karye-i İstavros’dan Süleyman b. Abdullah’ı ihzâr edip mezkûr Şehrîdullah takrîr-i merâm ve sebt-i kelâm kılıp eyitdi ki mezkûr Süleyman benim tarladan otuz yedi müd? buğdayım serîka etti deyicek mezbûr Süleyman’a suâl olundukda mukâbelede yirmi dânesini ikrâr edip bâkīsin inkâr edicek mezkûr Şehrîdullah’dan beyyine taleb olundukda udûl-i müslimînden Hamza b. Abdullah ve İbrahim b. Mehmed Fakih gelip edâ-i şehâdet ettiler şehâdetleri ba‘de’t-tezkiye ve’t-tahlîf hayyiz-i kabûlde vâki olup zikr olan zimmet müdde‘î-i mezbûra hükm olunup deftere sebt ü sicil olundu. Tahrîren fî evâili Şa‘bani’l-mu‘azzam sene seb‘a ve işrîn ve tis‘a mi’e. Şuhûdü’l-hâl Murad Fakih b. Mehmed ve Ahmed b. Mehmed ve Musa Bey b. Abdullah ve Hızır Bâli b. İlyas ve gayruhum mine’l-müslîmine’l-hâzırîn.