Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 345 Hüküm no: 616 Orijinal metin no: [97a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Başıbüyüklü’de bulunan bir koyun ağılının timar sahipleri tarafından resm-i tapu ile 300 akçeye Yusuf Fakih b. Turud’a verildiği. Fasl Vech-i tezkiretü’l-hurûf oldur ki (…) b. Halil meclis-i şer‘a hâzır olup şöyle ikrâr-ı sahîh kılıp dedi ki Başıbüyüklü nâm karye haddinde kom ağılı demekle meşhûr olup tahdîdden müstağni olan koyun ağılı tasarrufumda olup hâliyâ işbu Yusuf Fakih b. Turud’da üç yüz akçe hakk-ı karâr alıp verip teslîm etdim dedikde zikr olan ağılı ber-vech-i tımar mutasarrıf olan Hamza b. Karaca ve Ahmed b. Abdullah dahi zikr olan ağılı nevâhîsiyle ki kayaluya mahdûddur Narlı deresi demekle ma‘rûf dereyle ve şarken yerli müte‘ârifûn-fîhler ile ve garben baru dibinde olan zeytin ağacına muttasıldır ve şimâlen Hacı Yusuf b. Hasan yerine mezkûr mahdûd yer zikr olan ağıl nevâhîsinde boz mu‘attal olduğu ecilden zikr olan ağıl ile cümlesi için resm-i tapu mezbûrdan yüz akçe alıp tapuya verdik deyu ikrâr-ı sahîh edicek mukarrun-leh mezbûr dahi mukırr-ı mezkûru ikrârında bi’l-müşâfehe tasdîk edip sebt-i sicil [olundu]. Şuhûd Mustafa b. Umur ve Hacı Yusuf b. Hasan ve İsa b. Kılağuz ve Seydî b. Kasım ve gayruhum