Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 358 Hüküm no: 640 Orijinal metin no: [99b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Mihal’in Yani b. Dimitri’ye iki yüz adet bıçkı tahtasını bey‘ bi’l-vefâ yoluyla sattığı. Fasl Vech-i tezkiretü’l-hurûf oldur ki Nikola b. Mihal şöyle ikrâr-ı şer‘î kılıp dedi ki işbu Yani b. Dimitri[’ye] iki yüz adet bıçkı tahtasın üç yüz otuz altı akçeye bey‘ bi’l-vefâ tarîkiyle bey‘ etdim ki sene hamse ve işrîn ve tis‘a mi’e Şa‘banı’nın yirmi ikinci gününde on beş gün tamâm olunca mezkûr Yani semen-i mezbûru mezkûr Nikola’ya verirse aralarında bey‘ olmayıp mebî‘ yine mezkûr Nikola’nın ola ve ve illâ müddet-i mesfûre tamâm olup meblağ-ı mezkûr teslîm olunmazsa bey‘ mukarrer ola deyu mezkûr Yani dahi vech-i meşrûh üzere zikr olan tahtayı iştirâ ve kabûl edip şarta ilzâm etti dedikde mukarrun-lehu mezbûr dahi mukırr-ı mezkûru tasdîk edip sebt-i sicil olundu. Şuhûd Kılağuz b. Aslıhan, Mustafa b. İlyas ve gayruhum