Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 360 Hüküm no: 644 Orijinal metin no: [100a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. İsa’ya satılan Selman Ağa mahallesindeki bir mülk bağ ile evlerin satışı hususundaki ihtilafa dair. Fasl Vech-i tezkiretü’l-hurûf oldur ki (…) meclis-i şer‘a Mehmed b. İsa’yı ihzâr edip takrîr-i da‘vâ edip dedi ki Selman Ağa mahallesinde bir mülk bağım ki mahdûddur deryâdan hâlî vâdiyle? ve üç cânibden tarîk-i âmm ile ve içinde olan ulvî ve süflî iki evi ve bir kuyusuyla zikr olan mahdûd bağdan nısf-ı şâyi’ini ve içinde olan ulvî eviyle işbu mûmâ-ileyh Mehmed’e dört bin beş yüz akçeye bey‘ etmiş idim hâliyâ bi-gayr-ı hakkın mecmû‘una mutasarrıf olup elindedir deyicek mezkûr Mehmed Bey mahdûd bağın cemî‘sin ve içinde olan ulvî ve süflî evleriyle ve kuyusuyla meblağ-ı mezbûra aldım deyu da‘vâ edicek gıbbe’l-inkâr ve’l-istişhâd udûl-i müslimînden Evranos b. Bağşi ve İsveti Mustafa b. Abdullah ve Mustafa b. Yahya mezkûr müdde‘înin da‘vâsına muvâfık edâ-i şehâdet edip gıbbe’t-tezkiye şehâdetleri hayyiz-i kabûlde kılınıp sebt olundu. Şuhûd Tur Bâli b. İsa ve Mustafa b. İlyas el-Bennâ ve Seferşah b. Süleyman Terzi ve Yusuf b. Abdullah ve gayruhum