Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 360 Hüküm no: 645 Orijinal metin no: [100a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayas b. Abdullah’ın İsveti Mustafa b. Abdullah ile müşterek tasarruf ettikleri yerdeki hissesini 750 akçeye Ali b. Abdullah’a sattığı. Fasl Vech-i tezkiretü’l-hurûf oldur ki Ayas b. Abdullah meclis-i şer‘de şöyle ikrâr-ı sahîh kılıp dedi ki karye-i Kadı haddinde İsveti Mustafa b. Abdullah ile müşâ‘ ve müşterek nısıf hisse mutasarrıfı olduğum bir kıt‘a yer ki mahdûdedir tarîk-i âmm ile ve sudan hâlî vâdiyle ve Manol b. Çakmak yeriyle ve Kemal b. Takkeci Mustafa yeriyle zikr olan mahdûde yerden nısıf hissemi hakk-ı karâr yedi yüz elli akçe râyicü’l-vakt akçe alıp işbu Ali b. Abdullah’a verdim ol dahi zikr olan yer için meblağ-ı mezbûru teslîm edip arz-ı mezbûreye kānûn-ı Osmânî üzere mutasarrıf olmağa iltizâm edip zikr olan hâssa karye âmil[i] olan Mehmed b. İsa ve Şah Bâli b. Ali Fakih dahi mezkûr Ali’den resm-i tapu yetmiş beş akçe alıp biz dahi zikr olan akdi kabûl edip zikr olan yeri mezkûr Ali’ye tapuya verdik ki ber-vech-i kānûn tasarruf ede dediklerinde mukarrun-leh mezbûr dahi mukırrûn-ı mezkûrûnu ikrârlarında tasdîk edip sebt olundu. Şuhûd Hüseyin b. İbrici? ve Mustafa b. ...? ve Mustafa b. En-na‘âl ve Hüseyin b. Kılağuz ve gayruhum.