Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 373 Hüküm no: 674 Orijinal metin no: [102b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vefat eden Musa Reis b. Yadigar’ın tasarruf ettiği çiflikteki hissesini kardeşi Hamza Reis b. Yadigar’ın 400 akçe resm-i tapu ile aldığı. Fasl Vech-i tezkiretü’l-hurûf oldur ki Anadolu cânibinde olan (…) Ramazan Ağa âdemi ve cemî‘ umûruna mübâşir olan Ahmed b. Davud şöyle ikrâr-ı sahîh edip dedi ki merhûm Musa Reis b. Yadigar <> bâkī üç karındâşlarıyla ber-vech-i iştirâk hisseleri beraber olmak üzre atalarından intikāl eden bir çiftlik yerden hissesi bir zevle yer mezkûr Musa Reis fevt olup evlâd-ı zükûrdan kimesnesi kalmadığı ecilden mahlûl olup işbu karındâşı Hamza Reis b. Yadigar dört yüz râyic akçe resm-i tapusun alıp Kānûn-i Osmânî üzre tapuya verdim ki mi’n-ba‘d tapulu yeri olup âdet-i mukarrere üzre tasarruf edip öşr-i mahsûlün ve resm-i mukanneni sipâhi olana vere dedikde mukarrun-leh mezbûr dahi mukırr-ı mezkûru ikrârında tasdîk edip sebt-i sicil olundu. Tahrîren fî evâsıtı Ramazani’l-mübârek sene hamse ve işrîn ve tis‘a mi’e Şuhûd Mevlânâ İbrahim b. Mevlânâ Hayreddin, Mevlânâ Bekir b. Mustafa ve gayruhumâ