Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 395 Hüküm no: 722 Orijinal metin no: [109a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şâhî bt. Mustafa’nın Üsküdar’da bulunan evini Seferşah b. Süleyman’a 4000 akçeye sattığı. Vech-i tezkire oldur ki Şâhî bt. Mustafa meclis-i şer‘a gelip tav‘an ve rağbeten şöyle ikrâr-ı sahîh-i şer‘î kılıp nefs-i Üsküdar’da Mehmed Paşa imâreti mahallesinde hamam civârında taraf-ı kıblesi ve şarkîsi Başcı Hacı evleri ve şimâlîsi ve garbîsi tarîk-i âmm olan fevkānî ve tahtânî evleri cemî‘ tevâbi‘i ve levâhıkıyla ve havlusuyla işbu Seferşah b. Süleyman’a dört bin yüz râyicü’l-vakt akçeye bey‘ edip semen-i mezkûru bi’t-tamâm alıp mebî‘-i mezkûru teslîm ve temessük eyledim deyip ve mezbûr Seferşah dahi bi’l-muvâceheyle tasdîk ettikde tarafeynden teslîm ve tesellüm kabz ve ikbâz vâki olup sıhhat-i bey‘a hükm olundukdan sonra kaziyye sicillâta kayd olundu. Fi târihi’l-mezkûr bi-mahzari’l-mezkûrîn.