Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 410 Hüküm no: 760 Orijinal metin no: [114a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zina kasdıyla Kara Hüseyin b. Mestan’ın evine girdiği iddia edilen Hasan b. Hızır’ın beraat ettiği. Fasl Vech-i tezkireti’l-[hurûf] oldur ki Mahmud b. Yusuf için (…) fermân-ı cihân-mutâ‘ vârid olan fahrü’l-ümerâi’l-kirâm Hüdâvendigâr sancağı beyi Yusuf -dâme izzuhû- âdemisi Hasan ile bir araya cem‘ olup ber-mûceb teftîşe şurû‘ olundukda mûmâ-ileyh Hasan b. Hızır[ı] meclis-i şer‘a ihzâr edip Kara Hüseyin b. Mestan’ın zîna kasdına evine girmişsin deyu da‘vâ edicek gıbbe’l-inkâr ve’l-istişhâd kaziyyenin sübûtundan âciz oldukdan sonra kānûn-ı mukarrer üzere mûmâ-ileyh Hasan b. Hızır’ın töhmet-i sâbıkası teftîş olunup ol dahi zâhir olmadıkda Kara Hızır bin ( ) ve Yusuf b. Abdullah ve Küçük Halil b. Konşı mezkûr Hasan’ın töhmetten berâ’etine ve salâh-ı nefsine şehâdet ettiklerinden sonra mükerrerü’z-zikr Hasan’dan yemîn taleb olunacak inkârı üzre yemîn billâh edip berâ’etine hükm olundukdan sonra sebt-i sicil olundu. Tahrîren fî’l-yevmi’r-râbi‘ ve işrîn min şehr-i Zilka‘deti’l-mübârek li-sene hamse ve işrîn ve tis‘a mi’e Şuhûd Mevlânâ Şaban b. Ramazan, Kara Hasan b. Bazarlı, Musa Bey b. Abdullah ve Mehmed b. Hüseyin ve gayruhum