Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 411 Hüküm no: 761 Orijinal metin no: [114a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Evinden altını çalınması üzerine Bulgurlu halkından şikayetçi olan Yusuf b. Abdullah’ın davasından vazgeçtiği. Fasl Vech-i tezkiretü’l-hurûf oldur ki Yusuf b. Abdullah er-râcil meclis-i şer‘a Bulgurlu nâm karye halkını bi-isrihim ihzâr edip takrîr-i da‘vâ kılıp dedi ki karye-i mezbûrede mütemekkin olduğum evânda evim delinip evimden on bir miskal altınım sirkat olundu sâriki karye-i mezbûre halkından kānûn-ı pâdişâhî üzere taleb ederim dedikden sonra muslihûn araya tavassut edip da‘vâ-yı mezbûreden ve sirka da‘vâsından ve sâir de‘âvîden mezkûrûn karye halkını ibrâ edip ve mezbûrûn karye halkı dahi vechen mine’l-vücûh mezkûr Yusuf’da hakkımız ve da‘vâmız yoktur deyu tarafeyn ikrârlarını tarafeyn tasdîk edip sebt-i sicil olundu. Tahrîren fî 24 Zilka‘deti’l-mübârek sene hamse ve işrîn ve tis‘a mi’e Şuhûd Mevlâna Şaban b. Ramazan ve Yakub b. Abdullah, Hamza b. Musa ve gayruhum