Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 419 Hüküm no: 784 Orijinal metin no: [116b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şehsuvar b. Aynalı’nın kefil olup borcunu ödediği Mihal v. Marini’de olan alacağına dair. Fasl Vech-i tezkire oldur ki kazâ-i İznikmid’den Şehsuvar b. [Aynalı] meclis-i şer‘a hâzır olup şöyle da‘vâ kılıp dedi kim işbu müşârunileyh zimmî kâfir Mihal v. Marini İznikmid’den Nalband Ali b. Nefes’den bir çift su sığırı öküzü alıp mezkûr kâfir Mihal talebiyle öküz bahâsı bin beş yüz akçeye kefîl oldukda ba‘zı meblağ-ı mezkûr Ali b. Nefes’e vâsıl olup altı yüz otuz akçe bâkī kalıp dururdu el-hâletü hâzihî mezkûr Nalband Ali b. Nefes İznikmid kadısı huzûrunda benden aldı deyu da‘vâ edicek ba‘de’l-inkâr müdde‘î Şehsuvar b. Aynalı’nın sıdk-ı da‘vâsına muvâfık udûl-i müslimînden Ali b. Ramazan ve Yusuf b. Abdullah şehâdet edip hayyiz-i kabûlde olup ba‘de’t-tezkiye ve’t-tahlîf altı yüz otuz akçe kâfirden müdde‘î olan Şehsuvar’a hükm olundu. Tahrîren fî evâhiri Rebi‘ulâhir sene 926 Şuhûdü’l-hâl Kasım Kilerci v. Abdullah ve Ali Fakih mü’ezzin ve gayruhum mine’l-müslimîn