Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 420 Hüküm no: 785 Orijinal metin no: [116b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Çepni’ye 3800 akçe borcu olan Hacı Ali’nin, Hüseyin b. Abdullah’da olan alacağını Emir b. Çepni’ye havale ettiği. Sebeb-i tahrîr-i kalem oldur ki nefs-i Üsküdar’da mütemekkin olan Hacı Ali meclis-i şer‘de şöyle ikrâr edip dedi kim işbu müşârunileyh Emir b. Çepni’ye karz-ı hasenden üç bin sekiz yüz akçe deynim vardır deyu ikrârını mezkûr Çepni Emîrî kabûl ettikden ve Hüseyin b. Abdullah dahi hâzır olup şöyle ikrâr edip dedi ki işbu Hacı Ali’ye koyun bahâsından üç bin sekiz yüz deynim vardır deyu ikrârı mezkûr Hacı Ali kabûl ettikde mezbûr Hüseyin b. Abdullah’da olan üç bin sekiz yüz akçeyi mezkûr Hacı Ali, Emir b. Çepni’ye olan deynine havâle etdim deyicek müşârun-ileyh Emir Çepni dahi havâle-i mezbûru kabûl etdim dedikde şer‘an mu‘teber görülüp sıhhat-i havâleye hükm olup deftere sebt olundu. Hurrire zâlik fî evâili Cemâziyelevvel sene 926 Şuhûdü’l-hâl Sinan v. Turut ve Ali Bâli v. Kılağuz ve Burha[n] v. Hasan ve Hasan v. Bazarlı