Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 420 Hüküm no: 786 Orijinal metin no: [116b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Timurhan v. İsmail’in Selman Ağa’nın vakıf akçesinden 1100 akçe borç aldığı. Sebeb-i tahrîr-i kitâb oldur ki nefs-i Üsküdar’da mütemekkin olan Timurhan v. İsmail meclis-i şer‘de şöyle ikrâr kılıp dedi ki merhûm Selman Ağa’nın olup [vakf] ettiği meblağdan mütevellî olan Ali elinden karz-ı hasenden bin ve çuha kaftan bahâsından yüz cem‘an bin yüz akçe ibtidâ-i târih-i kitâbdan on iki ayda edâ etmek üzere deynim vardır deyu ikrâr ettikde ve meblağ-ı mezbûra Mehmed Katkun kefîl olup Kılağuz v. Aslıhan kefîl oldum deyu ikrârlarına mütevellî olan Ali b. Abdullah tasdîk ettikden sonra bu vesîka ketb olunup sebt-i sicil olundu. Hurrire fî zâlik fî evâsıtı Rebi‘ulâhir sene 926 Şuhûdü’l-hâl Mezîd v. Mustafa ve Hacı Ağrec ve gayruhum mine’l-müslimîn