Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 428 Hüküm no: 806 Orijinal metin no: [119a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Balaban’ın Abdurrahman Çelebi ile Elhâc Muslihiddin’in vakıf akçesinden 1100 akçe borç aldığı. Fasl Vech-i tezkiretü’l-hurûf oldur ki karye-i Kuzguncuk’da mutavattın olan Yorgi b. Balaban meclis-i şer‘de şöyle ikrâr-ı sahîh ile ikrâr edip dedi kim Abdurrahman Çelebi ile merhûm Elhâc Muslihiddin’in akçesi[ni] şer‘î mu‘âmele ile vermek için nâ’ib-i münâb olan İbrahim b. Abdullah karz-ı hasen bin akçe aldım ve çuha-âsumânî-bahâsından yüz akçe cem‘an bin yüz akçe borcum vardır on iki ayda edâ [etmek] üzerine deyn-i mezbûr için hudûdu ma‘lûm bağımı ve bostanımı rehin verdim deyicek mezkûr İbrahim tasdîk ettikde mezbûr meblağ için Yani b. İstefan kefîl olup İbrahim kabûl ettikden sonra sebt-i sicil olundu. Tahrîren fî Cemâziyelâhir sene 925 Şuhûdü’l-mazmûn Musa b. Kassâb, Mü’ezzin Mahmud v. İshak ve gayruhum mine’l-müslimîn