Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 428 Hüküm no: 807 Orijinal metin no: [119a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kendisini İslam’a davet ettiği için Mehmed Halîfe’ye küfreden Binok? Dimitri b. Abdullah’ın tazir olunduğu. Tafsîl oldur ki Mehmed halîfe şer‘-i şerîf-i dîvân-ı latîf-i kazâ-i Ahmedî meclisine Binok? Dimitri b. Abdullah’ı ihzâr edip şöyle takrîr-i kelâm kılıp dedi ki ben zikr olan Dimitri’ye gel müslüman ol dedim benim ağzıma söğdü deyicek mezkûr Binok Dimitri mukābeleyle inkâr edicek mezkûr Mehmed’in sıdk-ı kelâmına beyyine taleb olunup ba‘de’t-taleb udûl-i müslimînden ve sikāt-ı muvahhidînden Davud b. Ahmed Fakih Halil b. Mehmed istişhâdât edip dediler ki zikr olan Binok? zimmî Dimitri, mezbûr Mehmed b. Yusuf gel İslâm’a gel deyicek ağzına söğdü deyu şehâdet eylediklerinden sonra …? ehlen li’ş-şehâde mezkûr Binok? Dimitri’ye ta‘zîr olunup deftere sebt olundu. Tahrîren fî evâhiri Zilka‘de min şuhûr-ı sene hamse ve işrîn ve tis‘a mi’e Şuhûdü’l-hâl Timurhan b. İsmail, Kılağuz b. Aslıhan, Mehmed b. Abdullah, İskender b. Abdullah, Hüseyin b. Süleyman ve gayruhum