Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 68 Hüküm no: 9 Orijinal metin no: [1b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Samandıra köyü sipahisi Yunus’un arazisini tapuya verdiği Kazıyye Vech-i tezkire oldur ki Karye-i Samandıra sipâhisi Yunus ikrâr edip dedi ki karye-i mezbûre haddinde tahmînen İstanbul müddüyle buçuk müdlük yer ki muttasıldır ve Ali Terzi b. Kara ( ) ve Resul b. Atmaca ve İvaz ve Mustafa ibney-i Ömer aralarında müşterâ olan yere ve (…) deresi demekle ma‘rûf dereye ve büyük pelitden ve tarîk-i âma mülâbisdir arz-ı mezbûre mâ tekaddemden zirâ‘at olunmayıp kepik yer olduğu ehl-i vukūf şehâdetleriyle tamâm ma‘lûm oldukdan sonra zikr olan yer için kırk akçe alıp İskender b. Abdullah’a kānûn üzere tapuya verdim dedikde mukarrun-leh mezbûr dahi mukırr-ı mezkûru ikrârında tasdîk edip sebt olundu. Tahrîren fî 18 Recebi’l-mürecceb sene 924. Şuhûdü’l-hâl: Üveys Fakih b. Mehmed, Davud b. Bayezid, Nalband Halil b. Mehmed ve gayruhum