Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 69 Hüküm no: 10 Orijinal metin no: [1b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hürrem bt. Abdullah’taki atın Davud b. Musa’ya verilmesi Kazıyye Vech-i tahrîr-i hurûf oldur ki Davud b. Musa meclis-i şer‘a Hürrem bt. Abdullah el-Emîn Turgud’u ihzâr edip takrîr-i da‘vâ etti ki işbu senin elinde olan at ki biniden tarafı oda yanmıştır biniden tarafının kıç ayağında köstek nişânı bir mikdâr ağçası vardır. Mevsûf at benim müvekkilim Pir Veli nâm kimesnenin kulu alıp ibâkat ettiği attır dedikde gıbbe sübûti vekâletihî min [kıbelihî] bi’ş-şehâdet-i Hamza b. Germiyan Sarusı ve Hızır b. Kulucan vech-i meşrûh üzere takrîr-i da‘vâ edip mevsûf atı mezkûr Hürrem’den taleb ettikde da‘vâsına muvâfık beyyine taleb olundu gıbbe’l-inkâr mine’l-hasmi’l-mezbûr udûl-i müslimînden Hoca Ali b. v. el-Cündî ve Satılmış b. Yusuf müdde‘î-i mezbûrun da‘vâsına muvâfık şehâdet edip zikr olan mezkûr Davud’a vekâleti hükm olundu ve sebt-i sicil olundu. Tahrîren fî 22 Receb 924. Şuhûdü’l-hâl: Mehmed el-Hatîb be-Üsküdar, Abdullah b. Yahşi, Kabil b. Abdullah ve gayruhum