Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 77 Hüküm no: 30 Orijinal metin no: [4a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bağ hasılatı için Papa Todora’yı şikayet eden Gündoğdu’nun haksız bulunması Kazıyye Vech-i tezkiretü’l-hurûf oldur ki (…) b. Gündoğdu Rumeli cânibinden (…) (…) kethüdâsı ve cem‘î-i umûruna mübâşir olup Papa Todora’yı ihzâr edip takrîr-i da‘vâ edip dedi ki işbu mûmâ-ileyh Papa bağını (…) vermiş hâliyâ mezkûr bağın hâsılın ber-mûceb-i kānûn sipâhi için taleb ederim dedikde mezkûr Papa cevâbında mezkûr bağ beher sene akçe üzere mukāta‘aya kesilmişdir deyicek gıbbe’l-inkâr ve’l-istişhâd Todora b. (…), Sevadina b. Manol mastûr Papa’nın takrîrine muvâfık şehâdet etti. Şuhûdü’l-hâl: (…) b. (…), Mahmud b. İlyas ve gayruhumâ