Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 84 Hüküm no: 48 Orijinal metin no: [6a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üveys Fakih’in Süleyman ve Ali’den kiraladığı değirmenin ödemesini tam yapması Vech-i tezkire oldur ki Boğazkesen Hisârı kal‘ası erenlerinden Süleyman ve şerîki Ali (…) Samandıra Câmi‘ müezzini Üveys Fakih’i ihzâr edip bizim timârımıza müte‘allik bir değirmen tasarruf edip sâbıkan bir def‘a nâ’ibü’ş-şer‘ olan Musa Fakih huzûrunda muvâcehe olunup resm-i değirmen yılda otuz akçe hükm olundu şimdi nizâ‘ edersin dedikde mezkûr Üveys Fakih an tav‘ i‘tirâf edip fi’l-vâki‘ nâib-i mezkûr yılda otuz akçe resm hükm etti bir yıl verdim sonraki yıl yirmi verdim dedikde ol vilâyetin ehl-i vukūfuna dahi suâl olunup altı yürür değirmene yılda otuz akçe resm verilegelmişdir kadîmden biz bu vech ile biliriz dedikleri sebebden el-kadîm (…) amel olunup mezkûr hisâr erenlerine değirmen-i mezkûrdan yılda otuz akçe resm. Fî evâhiri Rebî‘ilâhir sene 925. [Şuhûdü’l-hâl] : Fahrü’z-zu‘amâ Mustafa Bey b. Çepni Kurudan, İlyas b. Hasan, Ahmed b. Yakub, Ali b. Yunus ve gayruhum