Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 84 Hüküm no: 49 Orijinal metin no: [6b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yenihisar’a dışarıdan gelenlerin vergi (resm-i duhan) ödeme şartları Vech-i tezkire oldur ki Yenihisar’da hisâr (…) (…) (…) emvâlinden tezkire olup (…) hâricden gelen (…) câbiye resm-i duhân vermek kānûn ise alıvere denildikde (…) hâricden gelip tavattun eden kimesnelerden Davud b. Bayezid ve Terzi b. Mehmed ve (…) b. Pûş [i] ve Mustafa b. Abdullah ve gayruhum ihzâr olunup kadîm sipâhiler muvâcehesinde fahrü’z-zu‘amâ Mustafa Subaşı b. Çepni Kurudan ve Mustafa Bey b. Turud Şeyh ve Umur Bey b. İlyas şehâdetleri ile hâricden tavattun edenler sipâhiye kadîmden resm-i duhân altışar akçe verilegelmişdir dedikleri sebebden bu makūle kimesnelerden resm-i duhân altı akçe hükm olunup ama yılda öşr vermeyenlere altı akçe resm-i duhân ta‘yîn ve yılda öşr verenlere resm-i duhân lâzım olmayıp ama öşrleri resm-i duhâna vefâ etmeyen kimesneler noksânın tamâm etmeyi iltizâm ettiler öyle olsa kazıyye bu minvâl üzere mukarrer kılınıp tarafeynden terk-i da‘vâ vâki‘ olıcak sebt-i defter olundu. Fî evâhiri Rebî‘ilâhir sene 925. Şuhûdü’l-hâl: İsmail b. Mehmedî ve Kutbeddin b. Demirtaş, Ali b. İbrahim, Hacı Fakih b. İsmail el-İmâm, Kethüdâ Minnet b. Gaybî