Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 85 Hüküm no: 50 Orijinal metin no: [6b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmedî b. Abdullah’ın kovanının bozulması Vech-i tezkire oldur ki Yeniçeri Mehmedî b. Abdullah meclis-i şer‘a Yakub b. İbrahim’i ihzâr edip çobanı olan Kasım b. Abdullah bozulan kovanı husûsunda (…) sebebden mezkûr hükm ihzâr olunup tefahhus olundukda inkâr ile cevâb vericek gıbbe’l-inkâr ve’l-istişhâd ve’l-acz an ikāmeti’l-beyyine mezkûr Kasım’a yemîn ettirilip ba‘dehû mezkûr Yakub emânetine kefîl olıcak bu husûsda zimmeti berâatına hükm olundu. Fî evâhiri Rebî‘ilâhir sene 925. Şuhûdü’l-hâl: İmâm Yusuf Fakih b. Turud, Hasan Kethüdâ b. Abdullah, Mustafa b. Hamza ve gayruhum Derkenar: Ba‘dehû âhar mazanna(?) olan Yorgi b. Abdullah ez-zimmînin Hüseyin nâm ağası ihzâr olunup tefahhus olıcak ben hizmetkârımın nefsine ve emânetine kefîl (…) her ne vakt taleb olunursa buluvereyim dediği mezkûr Mehmedî (…) sebt-i defter olundu. Fî târihi’l-mezbûr. Fî mahzari’l-mezkûr. Derkenar: (…) (…) (…) olan Hamza b. Abdullah nâm kimesnenin ağası olan Mustafa b. Hamza, Hasan’ı ihzâr olunup kemâ-sebak teftîş olundukda ol dahi eğer oğlanım benden taleb edilirse buluvereyim deyip nefsine ve emânetine kulun husûsunda kefîl olduğun mezkûr Mehmedî sebt-i sicil olunsun(?) dediği sebebden sebt-i defter olundu. Bi-mahzari’l-mezkûrîn. Derkenar: Vech-i tezkire oldur ki Yeniçeri Mehmedî hâzır olup yanında olan hizmetkârı (…) nâm kimesneye kefîl bi’n-nefs olup eğer min ba‘d civârında olan (…) cezâsın çekmeyi mültezim olduğu sebebden sebt-i defter olundu. Bi-mahzari’l-mezkûrîn.