Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 94 Hüküm no: 76 Orijinal metin no: [9a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Çepni’nin Yahya b. Mehmedî’ye ödünç verdiği Vech-i tezkire oldur ki Emir b. Çepni meclis-i şer‘a gelip bi’t-tav‘ ikrâr-ı sahîh edip işbu Yahya b. Mehmedî’de karz-ı hasenden iki bin üç yüz akçe hakkım var idi. Hâliyâ mezkûr Yahya mûmâ-ileyh Dur Hasan b. İsa’ya dokuz bin akçelik koyun satıp zikr olan iki bin üç yüz akçeyi mezkûr Dur Hasan’dan havâle eyledi. Ben dahi mezkûr Dur Hasan’dan alacak olup zimmetini ibrâ ve ıskāt ettim ve Dur Hasan dahi kabûl eyledi dedikde mezkûran Yahya ve Turhan dahi mezkûr Emir’in ikrârını tasdîk edicek vâki‘-i hâl sebt-i defter olundu. Fî evâili Cumâdeyn. Şuhûdü’l-hâl: Ahmed b. Yakub, Hüseyin b. İsa, Minnet b. Gaybî, Çalabverdi b. Kudbeddin, Sarı Mustafa b. Nasuh ve gayruhum