Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 94 Hüküm no: 77 Orijinal metin no: [9a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Çepni’nin, Dur Hasan b. İsa’nın borcunun vadeye bağlanmasını kabul ettiği Vech-i tezkiretü’l-hurûf oldur ki Dur Hasan b. İsa meclis-i şer‘a gelip bi’t-tav‘ ve’r-rızâ ikrâr-ı sahîh edip işbu Emir b. Çepni’ye Yahya havâlesinden iki bin üç yüz akçe ve çuha bahâsından üç yüz elli akçe cem‘an iki bin altı yüz elli akçe deynim vardır. El-ân zimmetimde deyn-i lâzımü’l-edâdır dedikden sonra müşârun-ileyh Emir zikr olan akçe için târih-i defterden altı ay va‘de verdikde mezkûr Dur Hasan kabûl edip târih-i mezbûrda edâsına iltizâm ettikde sebt-i defter olundu. Fî târihi’l-mezkûr evâili Cumâdelûlâ sene 925. Şuhûdü’l-hâl: ( ) Derkenar: Ba‘dehû karye-i Soğanlık’dan İsmail b. Mehmedî ve Ahmed b. Yakub kefîl bi’l-mâl oldular.