.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 113
Hüküm no: 139
Orijinal metin no: [15a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Kızılbaş olduğu iddiasıyla yakalanan İshak’ın terekesinin kaydedilmesi

Vech-i tezkire oldur ki Bundan akdem nefs-i Bolu’da sancakbeyi olan fahrü’l-ümerâi’l-kirâm Mahmud Bey (…) mu‘âvenetiyle İshak nâm kimesne tâ’ife-yi kızılbaştan olmak tevehhüm olunup (…) sûretinde gide yürürken tutulup habs olundukdan sonra zikr olan sancakbeyi mu‘âvenetiyle mezkûr İshak’ı habs ile âdemi Mezid Çelebi’ye koşup der-i devlete gönderdikde yolda gelirken marîz olup nefs-i Üsküdar’a vusûl buldukda merhûm Davud Paşa imâretinde fevt olup muhallefâtı Bolu kadısının defter-i mûcebince görülüp beytülmâl âmilleri Resul ve Osman muvâcehelerinde bî-kusûr ketb olunduğu hînde mezkûrân beytülmâliler müşârun-ileyh Mezid Çelebi’ye dahi sende esbâb vardır deyu nizâ‘ etdiklerinde gıbbe’t-taleb mezkûr Mezid Çelebi’ye yemîn billâh ettirilip berâatına hükm olundu. Fî evâhiri Cumâdelûlâ sene 925.


Şuhûdü’l-hâl: İbrahim b. Doğan el-Boluvî, Hacı Hasan b. Abdi et-Tokadî, Süleyman Çelebi b. Umur Bey (...), Ali Subaşı b. Abdullah ve gayruhum mine’l-hâzırîn