.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 116
Hüküm no: 146
Orijinal metin no: [16a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Süleyman b. Abdullah’ın, Veli b. Selman’a ölen babasının alacağını ödemesi

Vech-i tezkire oldur ki Veli b. Selman meclis-i şer‘a Süleyman b. Abdullah’ı ihzâr edip bundan akdem babam fevt olup muhallefâtı ketb olduğu hînde kısmet defterinde senin üzerine öküz bahâsından yüz yirmi akçe alım kayd olunmuş taleb ederim dedikde mezkûr Süleyman babandan dört yüz otuz akçeye bir su sığır öküzü aldım ama cümle akçesin verdim haklaştım dedikde gıbbe’l-inkâr ve’l-istişhâd ve’l-acz an ikāmeti’l-beyyine mezkûr Veli’ye adem-i ilme yemîn billâh ettirilip zikr olan yüz yirmi akçe hükm olundu.


Şuhûdü’l-hâl: Sinan Halife el-İmâm, Mustafa el-Muhtesib, Hızır Bâli ve gayruhum