|
Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 117 Hüküm no: 148 Orijinal metin no: [16b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yorgi b. Ayoligor’un, ölen Mihal’in hissesini satın aldığı
Vech-i tezkire oldur ki Yorgi b. Ayoligor meclis-i şer‘a sâbıkan (...) mahsûlünü mukāta‘aya tutan Lazari b. Yorgi ve Kosta b. Küçücük Yorgi asâleten an nefsihî ve vekâleten an kıbeli ebîhi el-med‘uv Küçücük b. Yorgi el-mezkûr an subûti vekâletihî ihzâr edip bundan akdem mukāta‘a-yı mezkûrede müşterekiniz olan Mihal’den hâl-i hayâtında (…) tasarruf olan bir kıt‘a ma‘lûmetü’l-hudûd bostanı yerinin nısf-ı şâyi‘ine iki yüz akçe verip size resm-i tapu yirmi akçe verip aldım el-ân tasarrufumdadır dedikde mezkûrân Lazari ve Kosta bi’l-muvâcehe mezkûr Yorgi’yi tasdîk edip hisse-i mezbûre zikr olan Yorgi’ye hükm olundu. Fî evâili Cumâdelâhire sene 925.
Şuhûdü’l-hâl: Manol b. Karakul, Yorgi b. Manol, Yorgi b. Demirci, Dimoz b. Öksüz, Yani b. Kara Mihal ve gayruhum
|