.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 119
Hüküm no: 154
Orijinal metin no: [17a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Bekir b. Cafer’in, Mevlana Mehmed b. Üveys el-Hatib ve Kemal b. Mustafa’ya borçlarını ödemeleri için süre verdiği

Vech-i tezkire oldur ki Mevlânâ Mehmed b. Üveys el-Hatîb meclis-i şer‘a gelip işbu Bekir b. Cafer’e karz-ı hasenden bin beş yüz akçe deynim vardır. El-ân üzerinde deyn-i lâzımü’l-edâdır dedikde mezkûr Bekir dahi tasdîk edip sene erba‘a ve ışrîn ve tis‘a-mi’e Zilhiccesi gurresinden(?) bir yıl va‘de verdim dedikde mukırrân-ı mezkûrânın ikrârların istimâ‘ olunup (…) olundu. Ba‘dehû Kemal b. Mustafa dahi hâzır olup benim dahi mezkûr Bekir’e tarla bahâsından bin akçe deynim vardır. Zimmetimde deyn-i lâzımü’l-edâdır dedikde mezkûr Bekir zikr olan bin akçeye sene erba‘a ve ışrîn ve tis‘a-mi’e Şevvâli’nin evâhirinde bir yıl va‘de verdim deyu ikrâr eyledi. Fî evâili Cemâziyelâhir sene 925.


Şuhûdü’l-hâl: Memişah b. Süleyman, Receb. b. Ali, Seferşah b. Süleyman, Muhyiddin b. Davud ve gayruhum