.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 138
Hüküm no: 205
Orijinal metin no: [23a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Âmâ Süleyman b. Bâli’nin eşi Gül Paşa bt. Mehmedî’ye küfrettiği

Vech-i tezkire oldur ki Gül Paşa bt. Mehmedî meclis-i şer‘a gelip zevci olan A‘mâ Süleyman b. Bâli nâm kimesneyi ihzâr edip üzerine şöyle takrîr-i da‘vâ kılıp ağzıma şetm edip şetm ettiğini ikrâr ettin dedikde mezkûr Süleyman cevâbında ben senin ağzına şetm etmedim ve şetm ettiğime ikrâr dahi etmedim deyu inkâr ettikde gıbbe’l-istişhâd udûl-i müslimînden Hamza b. Davud ve Mehmed b. Hızır li ecli’ş-şehâde hâzırân olup mezkûre Gül Paşa zevci mezbûr Süleyman’a sen benim ağzıma şetm ettin dedikde dedim deyip ağzına şetm ettiğine ikrâr etti deyip şehâdet-i şer‘iyye ettiklerinde ba‘de’t-ta‘dîl ve’t-tahlîf hayyiz-i kabûlde vâki‘ olup sebt-i sicil olundukdan sonra babası mezkûr Mehmedî’den emânet vaz‘ olundu. Hurrire fî evâhiri Receb sene 925. Derkenar: Şâhidlere İmâm Ali Fakih b. Mehmedî ve İsa b. Durmuş tezkiye oldular. Şuhûd [ü’l-hâl] : Şaban b. Hacı, Bekir b. Mehmedî, Sadık b. Mehmedî Beşe, Şahkulu b. Hamza, Osman b. Gevhertaş