|
Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 139 Hüküm no: 206 Orijinal metin no: [23b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Nasuh Fakih’in kullandığı arazinin, İmam Sofi Bâli b. Veli ve kardeşlerine verilmesi
Vech-i tezkire oldur ki İmâm Sofi Bâli b. Veli meclis-i şer‘a Nasuh Fakih b. (…)’yı ihzâr edip karye-i Şeyhli’de Hacı Mahmud Islağı demekle ma‘rûf (…) min kadîmi’z-zamân Hacı Mahmud el-merkūmân yeri üzerinde ekilen ketene mahsûs hâliyâ arz-ı mezkûre benim ve karındaşlarım elindedir şimdi sen dahi buraya ketene getirip ıslayıp bize mâni‘ olursun dedikde mezkûr Nasuh Fakih cevâb verip kadîmden ıslağ-ı mezkûru şürûkle alâ vechi’l-iştirâk tasarruf edegeldiği dahi gıbbe’l-acz an ikāmeti’l-beyyine mezkûr Bâli Fakih iştirâk üzere tasarruf olunageldiğini bildiğine yemîn billâh ettirilip müstakil [en] mezkûra ve karındaşlarına hükm olundu. Fî evâhiri Receb sene 925.
Şuhûdü’l-hâl: İmâm Ali Fakih b. Mehmedî, Gaybî Fakih b. Hoşkadem, Osman Fakih b. Gevhertaş ve gayruhum
|