.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 156
Hüküm no: 261
Orijinal metin no: [29a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Dimitri b. Yorgi’nin, Dimitri b. Yani’ye borçlu olduğu

Sebeb-i tahrîr-i kalem ve mûcib-i tastîr-i hitâb oldur ki Dimitri b. Yani şer‘-i şerîf-i Muhammedî ve divân-ı latîf-i Ahmedî meclisine Dimitri b. Yorgi’yi ihzâr edip şöyle takrîr-i merâm kılıp dedi ki karz-ı hasenden sende iki yüz ve ücret-i hizmetimden yüz cem‘an üç yüz akçem vardır sende vâcibü’l-edâ deyicek mezkûr Dimitri b. Yorgi mukābil inkâr edicek mezkûr Dimitri b. Yani’den sıdk-ı kelâmına beyyine taleb olundu ba‘de’t-taleb zimmîlerden Yorgi b. Andorya ve Dimitri b. Yorgi edâ-yı şehâdât [edip] dediler ki mezbûr Dimitri b. Yorgi Dimitri b. Yani’ye iki yüz karz-ı hasenden yüz hizmet ücretinden el-ân deyni vardır deyu şehâdât eylediklerinden sonra li kevnihim ehli’ş-şehâde hayyiz-i kabûlde ve mahall-i irtizâda vâki‘ olup zikr olan meblağ-ı mezkûr Dimitri b. Yani’ye hükm olunup deftere sebt olundu. Tahrîren fî evâsıtı Zilka‘de min şuhûri sene hamse ve ışrîn ve tis‘a-mi’e.


Şuhûdü’l-hâl: Mehmed b. Abdullah ve Mehmed b. Abdullah ve gayruhum