.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 157
Hüküm no: 262
Orijinal metin no: [29a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Dimitri’nin eşi İrina’nın, Çepnioğlu’na borcu için Todora b. Moska’nın kefil olduğu

Kazıyye oldur ki Mezkûr Çepni oğlunun Timurhan vekîlü’ş-şer‘î olup Dimitri hâtunu İrina[’yı] ihzâr edip sende karz-ı hasenden dokuz yüz elli kaftan bahâsından yüz elli cem‘an bin yüz akçe vardır deyicek mezbûre İrina Hâtun dahi dokuz yüz elli karz-ı hasenden yüz elli kürklü kaftan bahâsından düyûnum vardır deyu ikrâr eylediklerinden sonra zimmîlerden Todora b. Moska zikr olan bin yüz akçeye kefîl bi’l-mâl olup altı ay mü’eccel(?) edip deftere sebt olundu. Tahrîren fî gurre-i Zilhicce min şuhûri sene hamse ve ışrîn ve tis‘a-mi’e.


Şuhûdü’l-hâl: Hızır b. Abdullah, Mustafa b. Abdullah, Kılavuz b. Aslıhan, Kara Hızır b. Musa, Selman Hacı, Ahmed b. Yeniçeri