.:: İstanbul Kadı Sicilleri ::.


Üsküdar Mahkemesi 2 Numaralı Sicil (H. 924-927 / M. 1518-1521)
cilt: 2, sayfa: 157
Hüküm no: 263
Orijinal metin no: [29b-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Papa Mihal b. Medrepolid’in Yani b. Yaycı’ya ev sattığı

Tafsîl Vech-i tezkire oldur ki Papa Mihal b. Medrepolid meclis-i şer‘a gelip (…) Solak tarafından vekâleti Yorgi b. Mumcu ve Nikefor b. Kanlıca şehâdetleri ile [isbât] ettikden sonra şöyle ikrâr-ı sahîh kılıp karye-i mezkûrede müvekkilem mülkiyet üzere mutasarrıf olduğu çakıl evini ki hisâr dibindedir işbu Yani b. Yaycı’ya iki yüz elli akçeye bey‘ edip semen-i mezkûru alıp mebî‘-i mezbûru teslîm etti ve vakfa (…) bir kıt‘a yerini ki ma‘lûmetü’l-hudûddur elli akçe hakk-ı karârı alıp verdikde (…) olan Pîri Çelebi b. Yakub dahi resm-i tapu beş akçe alıp kabûl etti. Fî evâili Şa‘bân sene 925.


Şuhûdü’l-hâl: Yorgi b. Asburapolis, Dimitri b. Dellâk, Manol b. Tolayid ve Todora b. Hayreddin ve gayruhum