Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 175 Hüküm no: 316 Orijinal metin no: [35a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Piri b. İbrahim’in dükkanını kardeşi Nurullah’a sattığı Kaziyye oldur ki Pîri b. İbrahim meclis-i şer‘a gelip şöyle ikrâr-ı sahîh-i şer‘î kılıp nefs-i Orgüder’de(?) köhne bozahâne kurbunda olan mülk dükkânımı ki kıbliyyen ve şarkan tarîk-i âmdır ve garben ve şimâlen Selür Hâtun mülküdür bu hudûd içinde olan dükkânımı işbu sagîr karındaşım Nurullah’a bin üç yüz elli akçeye bey‘ edip semen-i mezkûru alıp mebî‘-i mezbûru tesellüm ve temlîk eyledim dedikde mezkûr Nurullah’a kıbel-i şer‘den vasî olan Hacı Mustafa b. Abdullah dahî hâzırân olup mezkûr Pîri’nin ikrârını bi’l-vesâye şifâhen ve vicâhen tasdîk edip tarafeynden teslîm ve tesellüm ve kabz ve ikbâz vâkı‘ olup ve mezkûr yetîme zikr olan dükkânı iltimâs-ı enfa‘ olduğu sebebden sıhhat-i bey‘a hükm olundu. Fî evâil-i Ramazân sene 925 Şuhûdü’l-hâl: Seferşah b. Süleyman, Kabil b. Abdullah, Neccâr Mustafa b. İsmail, İmam Süleyman Halîfe b. İvaz, Memişah b. Süleyman ve gayruhum